Gazment Bardhi ka reaguar përmes rrjeteve sociale lidhur me akuzat e kreut demokrat Sali Berisha ndaj tij, përsa i takon refuzimit të emërimit të Simon Mirakës në postin e komisionerit të Komisionit të Dosjeve të Sigurimit të Shtetit.
Berisha tha se Taulant Balla dhe Gazment Bardhi u bënë bashkë për të rrëzuar Mirakën. “Ju bashkëautorët e krimit të Elbasanit e dënuat Mirakën sërish,” tha Berisha.
Por Bardhi në reagimin e tij shprehet se “babi i Zenit, njeriut të vetëm përgjegjës për 26 të vrarë në Gërdec, duhet të gjejë kohë të paktën ti shkojë për ngushëllim baxhanakut të tij”.
“Koha ku çdo punë e emërim kalonte nga zyra e Zenit ka mbaruar me vendim të DASH në 19 Maj 2021. Sa më parë ta kuptosh aq më mirë për ty!”, shprehet Bardhi.
