Ish-kryeministri Sali Berisha deklaroi këtë të Premte se Nuredin Dumani di lidhjet e krimit me politikën dhe i bëri apel atij ti rrëfejë.
Gjatë deklaratës së tij, Berisha tha ka biseda mes Taulant Ballës dhe Suel Çelës.
“Bandat e Elbasanit dhe banda te tjera kane qenë fund e krye të lidhura me qeverinë. I bëj thirrje Dumanit ta bëjë të plotë rrëfimin. Ata vrisnin, plaçkitnin për llogari të atyre lart. Te dalin tabulatet e bisedave të Suel Çelës me Taulant Çelën, është minimumi ai, se ato shkojnë direkt me Edi Ramën”, tha Berisha.
Ai iu rikthye edhe njëherë vrasjes në Elbasan gjatë fushatës elektorale të zgjedhjeve të 25 Prillit 2021 dhe akuzoi prokurorin e çështjes se e mbylli atë me ndërhyrje politike dhe si shpërblim u emërua në SPAK.
“Ne SKAP-in e partisë”, theksoi ai.
“Për llogari të kujt gënjeu Alfred Shehu (prokurori), kur më pas u detyruan ta pranojnë. Bandat paguanin dhe këto mbyllnin vrasje. Dhe një nga këta është Alfred Shehu. Cilin të kapësh më parë?! Ndaj Dumani është fytyra e vërtetë e këtij shteti, e kësaj qeverie. Po mund të bëhej gjë pa Don lalën (Qazim Sejdini) në Elbasan. Emri i tij s’del gjëkundi nga SPAK. I bëj thirrje dhe Besian Xhixhës të rrëfehet tërësisht edhe për lidhjet politike, të deputetëve ministrave”, shtoi Berisha.
