Damian Gjiknuri, një prej negociatorëve të PS në procesin e zgjedhjes së Presidentit, u shpreh në Top Story se publikimi i emrave të kandidatëve nga ana e grupit të Enkelejd Alibeajt, më shumë ishte një djegie e këtyre kandidaturave.
Gjiknuri tha se PS ka respektuar çdo marrëveshje, ndërsa shtoi se kushti që iu vu për mbështetjen me 20 firma të një kandidati, erdhi për shkak të mungesës së lidershipit.
“Nuk ka kuptim kjo që ndodh që del njëri jep një emër, për ti thënë atij ja ta çova emrin. Del tjetri hedh një tjetër emër, pra është si mexhelis. Partia ka lidership dhe në kushtet kur ska një të tillë, ndodh kjo situatë”, tha Gjiknuri.
