Një tjetër anije me flamur rus pritet të mbërrijë në portin e Durrësit, ndërsa është nisur nga porti i Rostovit. Anija pritet të mbërrijë në Durrës mbrëmjen e 28 majit 2022.
OMSKIY 105, që u ndërtua në vitin 1980 (42 vjet më parë) po lundron nën flamurin e Rusisë.Gjatësia e saj e përgjithshme (LOA) është 108.4 metra dhe gjerësia e saj është 15 metra.
Anija OMSKIY, referuar të dhënave të orës 20:50 të mbrëmjes së të martës, ndodhej në BSEA-Deti i Zi në pozicionin 41° 42′ 15.7″ N, 030° 05′ 51.5″ E, siç raportohet nga Sistemi i Identifikimit Automatik Tokësor MarineTraffic.
Ku po shkon kjo anije?
Anija u nis nga ROSTOV-ON-DON, RU më 2022-05-20 05:44 LT (UTC +3) dhe aktualisht po lundron me 7.2 nyje me drejtimin Jugperëndimor duke shkuar për në DURRES. Koha e parashikuar e Mbërritjes e raportuar në 2022- 05-28 23:00 LT (UTC +3) sipas kohës lokale.
Të dhënat e mësipërme nuk do të kishin ndoshta asnjë vlerë në një situatë normale, por pas sulmit që Rusia ndërmorri ndaj Ukrainës, gjithçka ka ndryshuar. Shqipëria është një anëtare e NATO-s, ishte ndër vendet e para që iu bashkua disa qëndrimeve publike ku dënohej sulmi ushtarak i Putin ndaj Ukrainës, sikundër paraqiti edhe një rezolutë përkrah SHBA, kundër Rusisë.
Në Tiranë gjithashtu pati disa manifestie në mbështetje të Ukrainës ku ministra dhe Kryebashkiaku Erion Veliaj, u shfaqën herë në krah të ambasadorit të ukrainës në Tiranë dhe herë në krah të diplomates amerikane, Yuri Kim. Në fakt gjithçka që ka bërë Qeveria Rama dhe çdo zyrtar i saj në raport me ngjarjet e luftës thjesht ka qenë një show dhe propagandë.
Shqipëria nuk iu përgjigj thirrjeve të Presidentit ukrainas për të mos pranuar turistët rusë në Shqipëri, të cilët mund të vijnë pa viza, sikundër nuk iu bashkua as vendeve të NATO-s apo BE që nuk lejojnë në portet e tyre ankorimin e anijeve ruse.
Kjo është anija e dytë ruse që ankorohet në portin shqiptar të Durrësit brenda pak javësh dhe duket se ky është qëndrimi zyrtar i Qeverisë Rama, përtej asaj propagandës dhe lotëve të “krokodilit” që shfaqen në ekranet e mediave apo sa herë takohen me diplomatë apo përfaqësues të vendeve Perëndimore.
