Partizani siguroi Europën me fitoren 4-0 kundër Kastriotit, për javën e 35 të Superligës. Një sezon me shumë peripeci për Demat, që zënë një vend në Conference League.
Tanimë drejtuesit do mendojnë për përforcime, me emrin e Erald Çinarit që qarkullon në ambientin e kuq. Për të trazuar ujërat në kampin e kuq, ka menduar mbrojtësi Eneo Bitri.
Beratasi ka pozuar me sulmuesin shkodran, që për një sezon ka qenë pjesë e Samsunspor në Ligën e Parë turke, pa pasur shumë minuta. Një rikthim në Superligë nuk do ishte i pamundur, me 25 vjeçarin që kaloi tre sezone me Demat, nga 2018-2021.
