Kryetari i Partisë Demokratike Sali Berisha, replikoi me Taulant Ballën nga foltorja e Kuvendit, lidhur me atë që konsiderohet si afera e Butrintit.
Berisha tha se Balla po përdor Amerikën për të justifikuar vjedhjet dhe për të shkelmuer ligjet e konfliktit të interesit.
Duke iu drejtuar Ballës, Berisha tha se je vite dritë larg nga parimet e Amerikës që mbron votën e lirë dhe bën transparecë për gjithçka.
“Përdor amerikën për të justifikuar vjedhjet tuaja, përdor Amerikën për të shkelmuar ligjet e konfliktit të interesit, të përdorësh Amerikën për të ndaluar votën e lirë. Të përdorësh Amerikën për të maskuar me termin dhuratë pallate e apartamente të tëra.
S’ka fyerje më të rëndë për Amerikën e parimeve, Amerikën e votës së lirë, Amerikën e transparencës, për Amerikën e cila qëndron me rigorozitet në mbrojtje të paqes dhe vlerave. Ti je larg nga këto parime, vite dritë larg.”-u shpreh Berisha.
