Në 108 qendrat e votimit, të hapura prej orës 08:00 të mëngjesit të sotëm, po votohet për zgjedhjen e kreut të ri të PD, ndërsa në garë janë Sali Berisha dhe Ibsen Elezi.
Deri në orën 11:00 u deklarua zyrtarisht se kanë marrë pjesë në zgjedhje 14012 votues, ndërsa procesi po ecte pa probleme dhe me transparencë.
Ndër votueset më të veçanta në Lezhë ishte edhe Mira Pëllumb Mirakaj.
Me babanë e pushkatuar dhe me dy internime, një në vajzëri dhe një në nusëri, ajo tha se ka votuar për Sali Berishën.
“Votova me plot dëshirë. Jam demokrate e lindur,” tha ajo.
