Atentati i ndodhur mbrëmjen e 18 majit 2022 në qendër të Sukthit, ku mbeti i vrarë Arben Mërkuri ka dëshmitarë okularë.
Atentati i ndodhur mbrëmjen e djeshme në qendër të Sukthit, ku mbeti i vrarë Arben Mërkuri, ka dëshmitarë okularë. Deri tani raportohet se janë shoqëruar rreth 20 persona.
Atentati
Një makinë ku udhëtonin të paktën dy persona ka ndaluar para dyqanit të viktimës. Njëri prej tyre ka zbritur në asfalt dhe ka qëlluar me breshëri. Më pas, makina është larguar me shpejtësi. Qitësi dhe shoferi kanë qenë të maskuar. Pasi breshërisë së plumbave në drejtim te Mërkurit i cili ndodhej në dyqan, qitësi ka hipur sërish në makinë e më tej mjeti është larguar në drejtim të autostradës Tiranë-Durrës. Mërkuri mbeti i vdekur.
Makina është kapur edhe në kamerat e lokaleve në afërsi dhe dyshohet se ka qenë me targa të vjedhura.
Dëshmitarët e pyetur nga policia kanë deklaruar se mjeti në fjalë ishte tip fuoristradë.
Hetimet
Grupi hetimor po heton mbi konflikte nga e kaluara e dyshuar kriminale e viktimës. Por edhe mbi konflikte të mundshme aktuale.
Janë sekuestruar kamera sigurie për të mësuar më shumë mbi autorët e mundshëm, që dyshohet se veprojnë me pagesë.
Merkuri është personazh i njohur për policinë pasi akuzuar dhe ka qenë i dyshuar për disa ngjarje kriminale të ndodhura në zonën e Sukthit dhe Gjirit të Lalzit.
