Një 27-vjeçar pakistanez përfundoi në prangat e policisë së Gjirokastrës pasi akuzohet se ndihmoi 6 emigrantë të paligjshëm që të hynin në Shqipëri.
Operacioni i koduar “ROAD GUARD 19” u krye nga policia e Gjirokastrës dhe FRONTEX.
“Si rezultat i operacionit u arrestua në flagrancë shtetasi M. Ë., 27 vjeç, banues në Pakistan. Gjatë operacionit, shërbimet e DVKM Gjirokastër dhe shërbimet e FRONTEX, në afërsi të fshatit Glinë, kapën në flagrancë 6 emigrantë të paligjshëm nga vendet MENA.
Pas një pune intensive hetimore të kryer nga Seksioni për Hetimin e Trafiqeve të Paligjshme në DVP Gjirokastër, rezultoi se shtetasi M. Ë. i ka ndihmuar këta emigrantë që të kalojnë kufirin nga Greqia për në Shqipëri, në mënyrë të paligjshme, kundrejt fitimit.
Në cilësinë e provës materiale u sekuestrua një aparat celular“, bëri me dije policia.
Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufijve”.
