Ish-kryeministri Sali Berisha tha se Ambasadorja amerikane Yuri Kim është përpjekur të pengojë lëvizjen e tij, të burrave dhe grave idealistë që duan të ketë pluralizëm dhe opozitë të vërtetë.
Berisha deklaroi se Yuri Kim është një guvernatore që s’mund të thotë se përfaqëson Presidentin e Shteteve të Bashkuara të Amerikës. Sipas Berishës Yuri Kim ka thirrur gazetarët për të censuruar foltoret e tij.
“Secili prej jush keni pësuar shantazhe, ju që donit opozitë të vërtetë. Në 100 vjetorin e marrëdhënieve Shqipëri-SHBA, janë tre vetë që kanë ndikuar negativisht në këto marrëdhënie, Soros, Rama, që ska asnjë parim as njerëzor e as shqiptar, dhe guvernatorja që i lejon vetes, e ndjen veten që mund të ndërhyjë në procese gjyqësore.
Yuri Kim thërret gazetarët dhe thotë censuroni, duke shkelur Kushtetutën e vendit të saj.
Presidenti i SHBA është mik i shqiptarëve nuk mund të thotë ajo përfaqësoj Presidentin e SHBA. Ajo kur ndërhyn në gjykata, shkel konventën e diplomatëve”, tha Berisha.
