Rënia e ashensorit në QSUT, që solli plagosjen e një infermieri dhe një pacienteje, ka bërë që të merren nën hetim administratori i firmës së ashensorëve dhe një teknik.
Policia e Tiranës njofton se ngjarja ka ndodhur për shkak të një defekti.
Njoftimi i Policisë së Tiranës:
Specialistët për Hetimin e Krimeve në Komisariatin e Policisë Nr. 4 proceduan penalisht në gjendje të lirë, për veprën penale ‘Shkelja e rregullave të mbrojtjes në punë’, shtetasit:
– E. B., 45 vjeç, banues në Tiranë, me detyrë teknik ashensori;
– A. S., 52 vjeç, banues në Tiranë, me detyrë administrator i firmës së ashensorëve.
Procedimi penal ndaj këtyre shtetasve filloi pasi më datë 15.05.2022, rreth orës 23:30, në spitalin ‘Nënë Tereza’, në katin -1, barrelisti, shtetasi K. D., duke transportuar me barrelë shtetasen V. C., paciente në spital, për shkak të një defekti janë bllokuar brenda në ashensor dhe si pasojë janë dëmtuar.
Materialet i kaluan Prokurorisë, për veprime të mëtejshme procedurale.
