Ish kandidati për kreun e PS në Durrës, Ardit Kërtusha, ka mbetur i plagosur me armë zjari në këmbë, nga një person i cili ende nuk është arrestuar nga Policia.
Ngjarja ka ndodhur në mjediset e jashtme, pranë lokalit të reperit Noizy, ku nga raportimet mësohet se Kërtusha ishte duke pritur disa të njohur të tij. Në këtë moment, referuar raportimeve, i është afruar një person që e ka qëlluar me armë zjarri, duke e lënë të plagosur.
Raportohet se autori është afruar pranë Kërtushës dhe fillimisht kanë debatuar më pas e ka qëlluar me armë zjarri në këmbë.
Dyshimet e para, sipas raportimeve, është se ngjarja mund të ketë lidhje me një përplasje fizike që Kërtusha dhe autori i ngjarjes, kanë pasur rreth 1 muaj më parë.
Policia po vijon punën për identifikimin dhe kapjen e autorit, ku në ndihmë i vinë kamerat e sigurisë dhe dëshmitarët okular të ngjarjes.
Deri më tani nuk janë dhënë detaje nëse Kërtusha ka dhënë apo jo një dëshmi e cila do të ndihmonte në hetim dhe do të zbardhte dinamikën e plotë të ngjarjes.
