Ish-Kryeministri Sali Berisha zhvilloi një takim me demokratët e Lezhës, në kuadrin e fushatës për kreun e PD, që do të zgjidhet përmes parimit “një anëtar, një votë” me 22 maj.
Takimi u zhvillua në formën e një bashkëbisedimi, ku të pranishmit kanë diskutuar, kanë drejtuar pyetje, por edhe kanë shprehur admirimin e tyre për Berishën.
Një nga të pranishmit që ka marrë fjalën ishte një ish-oficer i Gardës së Republikës, i cili tha se kishte shërbyer si truprojë e Sali Berishës, madje edhe në 1997.
“I nderuar doktor, jam ish-oficer i Gardës së Republikës, ish i juaji personalisht. Vij nga Fani, jam mbështetësi juaji deri në vdekje, jo më shumë.
Të përshëndes, ju dhe grupin nismëtar. Por kam një keqardhje, për ata lepujt, Lul Basha, Gaz Bardhi dhe ato qelbësirat që ne i hamë me dhëmbë, i shqyejmë si lepujt.
Dr. Berisha të njoh nga afër, të kam shoqëruar ku ke shkel me këmbë, në 1997 padiskutim, Skënderbeu i madh je padiskutim.
Të dua fort, fatkeqësisht të dua më shumë se fëmijët e mi. Zoti a priftë mbarë dhe ne na ke me vete”, tha demokrati.
