Ish-Kryeministri Sali Berisha, i cili garon për kreun e PD në zgjedhjet e 22 majit, tha se revolucioni ndau opozitën e vërtetë nga pseudo-opozita.
Berisha tha se më i rëndësishëm në gjithë këtë proces është rikthimi i votës, por gjithkush që ka dyshimin më të vogël, duhet të kërkojë verifikimin e votave.
Ish-Kryeministri tha se për fatin më të keq, për situatën ku ndodhet sot PD, nuk ka ndikuar vetëm Edi Rama dhe një pjesë e opozitës fasadë, i cili shfrytëzoi elementë si Lulzim Basha apo Enkelejd Alibeaj, por edhe “guvernatorja” Yuri Kim.
“Kjo lëvizje është e pandalshme, askush nuk na ndal dot më. Kush tentoi të na ndalte dështoi. Kjo lëvizje tani do të shndërrohet në një uragan të vërtetë, i cili do të shpëtojë Shqipërinë”, tha Berisha.
