Ish-kryeministri Sali Berisha, në konferencën për mediat mbajtur këtë të Premte, konfirmoi se i ka plotësuar dokumentet dhe do të kandidojë për postin e kryetarit të Parisë Demokratike.
Ai tha se kundër tij ka nisur një fushatë e financuar me miliona euro nga qeveria dhe Sorosi kundër kandidimit të tij.
“Dua të denoncoj fushatën e paimagjinueshme të financuar në miliona euro nga qeveri, madje dhe nga Soroasi, kundër kandidimit të Sali Berishës. Njeriu e ka shprehur se do kandidojë dhe bëhen emisione a duhet të kandidojë apo jo Sali Berisha. A është kjo antifushatë që shkel çdo rregull. Të gjitha televizionet e vendit këtë kishin pyetje kryesore. E pashoqë. Do të kandidojë dhe i kam plotësuar dokumentet. Do i dorëzojë dhe do t’u drejtohem shqiptarëve në mënyrën më besimplotë se kandidoj si dëshmi e respektit, e pasionit tim për të ndryshuar për mirë jetën e tyre”, tha Berisha.
Ish-kryeministri u shpreh se në rast se nuk do të ketë rivalë në garën e 22 majit, atëherë do të jetë një referendum ku demokratët do të votojnë nëse duan që Sali Berisha ta drejtojë partinë apo jo.
“Më 22 maj, nëse zgjidhem me një referendum të mbarë demokratëve, nëse nuk zgjidhem i nënshtrohem verdiktit të tyre. Nuk ishte kjo zgjidhja ime”, tha Sali Berisha.
