Ish-kryeministri Sali Berisha ka akuzuar ambasadoren amerikane në Shqipëri, Yuri Kim se po ndërhyn në procesin gjyqësor të Partisë Demokratike.
Berisha tha se Kim ka pasur takime për të ndikuar në vendimmarrjen e Gjykatës së Apelit Tiranë, ku është ankimuar nga Enkelejd Alibeaj vendimi i shkallës së parë që njohu Kuvendin Kombëtar të PD-së mbajtur më 11 Dhjetor 2021.
“Së fundmi guvernatorja bën takime për procesin gjyqësor i cili në mënyrë absolute nuk ka bazë ligjore”, u shpreh Berisha.
Ish-kryeministri i bëri thirrje qeverisë së SHBA që të “ndalojë ndërhyrjet e përfaqësueses së saj në proceset gjyqësore në Shqipëri”.
“Kam tre burime që më informojnë për ndërhyrje në gjykatë dhe jashtë gjykate për në gjykatë”, shtoi më tej Berisha, gjatë konferencës për mediat.
Akuza të tilla për Yuri Kim, Berisha i ka artikuluar edhe më herët.
Po ashtu, Berisha tha në konferencën e sotme se presion në gjykatë po bën dhe Edi Rama.
Lexo edhe:
Berisha e akuzoi për ndërhyrje në procesin gjyqësor të PD, përgjigjet Yuri Kim
