Ministrja e Shëndetësisë, Ogerta Manastirliu pas ‘lodhjes ekstreme’ në krye të punëve të Shëndetësisë, ka gjetur mënyrën si të shkëputet nga rutina.
Vetë ministrja ka postuar në rrjetet sociale një video duke udhëtuar me makinë në sediljen e pasme.
Në sfond dëgjohet muzikë, ministrja duket e fokusuar në telefon, ndërsa bien në sy syzet e saj të shtrenjta.
E kush nuk do ta donte një relaksim të tillë si Manastirliu…aq më tepër kur punët e Shëndetësisë shkojnë më mirë se askund tjetër me spitale që s’kanë ilaç e as personel mjekësor…
Ndërsa nga ana tjetër vendi po përballet me krizën më të paprecedentë të rritjes së çmimeve të karburanteve dhe produkteve ushqimore bazë.
Ndërkohë që mbi 90 përqind e shqiptarëve ikin nga vendi për të siguruar një punë dhe për të sjellë të ardhura në Shqipëri, ashtu sikurse e dëshmoi edhe INSTAT në statistikat e fundit të publikuara, ministrat e Ramës nuk ndjejnë krizë dhe madje shesin mend në rrjete sociale duke reklamuar jetën luksoze me veshje të shtrenjta, makina komode dhe shoferë personal.
