Partizani ka mbyllur përgatitjet e ditës së sotme, për ndeshjen e dytë gjysmëfinale që do luhet përballë Vllaznisë në “Loro Boriçi”. Të kuqtë vazhdojnë stërvitjen në kompleksin e ri, ku duken më komod dhe punojnë me më shumë intensitet.
Grupi ishte i plotë në seancën stërvitore. Rikthehet për Mehmetin Rrapaj që mungoi ndaj Teutës për shkak dëmtimi dhe Andi Hadroj që nuk u aktivizua në kampionat për shkak kartonësh. Partizani e ka Kupën e Shqipërisë si objektiv të mbetur sezonal, nga ku kërkon dhe kalimin në Kupat e Europës.
Njoftimi i Partizanit në rrjetet sociale:
“KUPA E SHQIPËRISË | TURI GJYSËMFINAL
PRAG VLLAZNIA
Skuadra vijon me intensitet përgatitjet për ballafaqimin e kthimit ndaj Vllaznisë i vlefshëm për turin gjysëmfinal të kupës së Shqipërisë. Në drejtimin e trainerit Mehmeti dhe stafit, ekipi ka zhvilluar sot në mesditë seancën e radhës. Gjendja fizike e skuadrës rezulton optimale dhe grupi është i plotë. Të martën ekipi do të zhvilloj edhe seancën e fundit stërvitore dhe më pas do të udhëtojë drejt qytetit të Shkodrës. Sfida e dytë gjysëmfinale e kupës së Shqipërisë Vllaznia – Partizani do të luhet ditën e mërkurë 13 Prill, ora 17:45 në stadiumin ‘Loro Boriçi’”, shkruan Partizani në rrjetet sociale.
