Vlora mban rekordin e krimeve kundër jetës në raport me numrin e popullsisë. Kjo sipas raportit vjetor të Prokurorisë së Përgjithshme për vitin 2021.
Në rang vendi, sa i përket krimeve kundër jetës, për nga numri, Tirana kryeson me 19%, e ndjekur nga Vlora me 12 %, Shkodra 11 % dhe Fieri, Elbasani Lezha e Korça 6 % secila.
Ndërsa vërehet se numri më i vogël i procedimeve të regjistruara për këto grupvepra penale është në Kavajë, Mat, Gjirokastër dhe Dibër ku janë regjistruar 1 % e numrit total të procedimeve të regjistruara.
Bie në sy Përmeti ku për vitin 2021 nuk është regjistruar asnjë procedim penal për vrasje.
Në lidhje me gjininë e të pandehurve vihet re se 97,7 % e tyre janë meshkuj (nga të cilët 0,57% janë të mitur) dhe 2,3 % janë femra.
Shqetësuese janë shifrat sa iu përket begraundit të personave që kryejnë krime, që kanë të bëjnë me arsimimin dhe aktivitetin e deklaruar prej tyre, ku mbi 56% rezultojnë vetëm me arsim 9-vjeçar dhe 72.9 % të papunë. Ndërkohë, mbi 13% të personave që kryejnë krime kundër jetës, rezultojnë përsëritës.
Kjo ngre pikëpyetje mbi efektivitetin e vuajtjes së një dënimi nga këta element, shpesh mosvënia e tyre para përgjegjësisë, por edhe problemet e theksuara për shkak të mosefiçencës së autoriteteve për integrimin e tyre në shoqëri.
Raporti zbulon edhe shifrat përkatëse të klasifikimit të vrasjeve, ku 10.2%, janë proceduar si vrasje me paramendim, vrasje në rrethana të tjera cilësuese me 5.83%, dhe vrasje për shkak të marrëdhënieve familjare 4.6% të gjitha si total i krimeve kundër jetës të kryera me dashje.
