Faza e katërt dhe e fundit nis të shtunën në Superiore. Do zhvillohen tre ndeshje dhe një prej tyre është ajo mes Partizanit dhe Teutës, që fillon në orën 16:45 në “Elbasan Arena”. Blutë e Durrësit vijnë pas barazimit pa gola, 0-0, me Skënderbeun, ndërsa Partizani pas fitores së rëndësishme me Laçin.
Durrsakët janë stërvitur sot nën reshjet e shiut. Djemtë e Arapit duken të motivuar për ndeshjen përballë demave, ku objektiv do jetë fitorja për të qenë të mbrojtur nga vendi i tetë i “play off”. Në tre sfidat mes tyre për këtë sezon, të parën e ka fituar Teuta në javën e parë, ndërsa dy të tjerat janë fituar nga të kuqtë.
