Ashtu siç kishte paralajmëruar, Enkelejd Alibeaj ka ankimuar vendimin e Gjykatës së Tiranës për regjistrimin e statutit të Partisë Demokratike, të dalë nga Kuvendi i 11 dhjetorit 2021, që riktheu në selinë e PD Sali Berishën dhe mbështetësit e Foltores së tij.
Shkresa është dërguar në Gjykatën e Apelit Tiranë.
Përveç se kryetar i grupit parlamentar të PD, Alibeaj pretendon se është edhe kryetari i komanduar i partisë, pas dorëheqjes së Lulzim Bashës. Por Komisioni i Rithemelimit nuk e njeh si të tillë.
Alibeaj e quajti skandaloz vendimin e gjyqtarit për të regjistruar statutin e dalë nga Kuvendi i 11 dhjetorit 2021. Gjithashtu ai paralajmëroi edhe kallëzim penal ndaj gjyqtarit të çështjes.
Nga ana tjetët, anëtarët e Komisiofnit të Rithemelimit kanë deklaruar se vendimi i gjykatës së Tiranës ka formë të prerë.
