Greqia ka pezulluar detyrimin që qytetarët mbi 60 vjeç të vaksinohen kundër Covid-19.
Vendimi është marrë të mërkurën nga Ministria greke e Shëndetësisë.
Ministri i Shëndetësisë Thanos Plevris tha se gjobat po pezullohen.
Gjobitja e qytetarëve u vendos para disa muajsh sepse kjo kategori po mbingarkonte Sistemin Kombëtar të Shëndetësisë, për shkak të numrit të lartë të të infektuarve të kësaj moshe.
Ministri Plevris tha se dikasteri i tij po shqyrton mënyra për të motivuar njerëzit mbi 60 vjeç që të vaksinohen.
Ai përsëriti gjithashtu se të gjitha masat në fuqi për të frenuar përhapjen e koronavirusit do të rishikohen në kohën e duhur.
