Ish-kryeministri Sali Berisha deklaroi pas mbledhjes së grupit parlamentar demokrat se pretendimi i Enkelejd Alibeajt se ai i përjashtuar nga PD, është i pavlefshëm.
“Realitet qe s’ekziston. Vendimi që pretendon zoti Alibeaj është ‘null a void’ dhe s’ekziston. Qëndrimi është bazuar në të gjithë ligjet e vendit dhe PD, ky është qëndrimi im”, tha Berisha në një prononcim për gazetarët pas mbledhjes.
I pyetur nëse duhet të “bëjë një hap pas” ashtu si Lulzim Basha, Berisha tha: “Të krahasosh fituesin me humbësin mendoj se është një gabim i madh”.
Do ketë kërkesa për thirrje të mbledhjeve të tjera?
“Grupi do diskutojë është organ legjitim i PD, është i hapur. Është një rast unik që PD të bashkohet dhe në universitetin e saj. Ka një diversietet që e bën dhe më demokratike partinë. Demokratët kanë folur më 11 dhjetor, 18 dhjetor dhe 6 mars”, u shpreh Berisha.
PD këmbëgul që me një person ‘non grata’ nuk bashkohet partia.
Berisha: Cilido që mendon bën zgjidhjen e tij, është punë e tij por demokratët kanë folur për këtë me 11 dhjetor, 18 dhjetor dhe 6 mars.
“Do të merrni hapa që Grupi Parlamentar i PD të jetë i plotë në parlament? Ju figuroni si i pavarur”. Berisha u përgjigj: Kombinacionet Basha-Rama marrin fund, janë kombinacione Basha-Rama, ajo kohë merr fund. Vendimi ka qenë nul. Para atij vendimi midis momentit që ta gjykonin një vendim të paqenë organet e partisë dhe anërtarësia e partisë, unë zgjodha anëtarësinë e partisë. Po të kishte bazë do të shkoja te gjykatat e partisë. Anëtarësia e gjykoi atë dhe i dha bravës, Lul Bashës më falni, shkarkimin që meritoi me 11 dhjetor dhe sot nuk është më këtu, zoti Basha dha dorëheqjen.
Debate mes Alibeajt dhe Berishës pati dhe në nisje të mbledhjes së grupit parlamentar demokrat. Alibeaj i ka kujtuar Berishës që është përjashtuar nga Grupi Parlamentar, ndërsa Berisha i është përgjigjur se përjashtimi ka qenë anti-statuor.
