Në tapetin e kuq të këtij viti në “Oscars’, shumë të famshëm u shfaqën me fjongo blu të ofruara nga “Agjencia e Kombeve të Bashkuara për Refugjatët”. Këto shirita blu mbanin hashtagun #withrefugees, pra “Me refugjatës”, duke iu referuar krizës së refugjatëve të shkaktuar nga pushtimi rus në Ukrainë dhe në solidaritet me të gjithë njerëzit e detyruar të ikin nga shtypja.
Jamie Lee Curtis, Samuel L. Jackson, Diane Warren, Yuh-Jung Youn, Nicholas Britell dhe Paolo Sorrentino ishin disa nga emrat që u solidarizuan në këtë mënyrë.
Jason Momoa kishte detajin me ngjyrat blu dhe të verdhë në kostumin e tij, ngjyrat e flamurit të Ukrainës. Marlee Matlin mbante një varse me ngjyrat blu dhe të verdhë:
Aktorja e famshme ukrainase e Hollivudit, Mila Kunis, mori një moment për të folur për Ukrainën ndërsa prezantoi këngën “Somehow You Do”, interpretuar nga Reba. E gjithë salla ka mbajtur një moment heshtje në shenjë solidariteti nga Ukrainës, e cila prej më shumë se një muaji po përballet me pushtimin rus.
