Një zjarr mesditën e sotme ka alarmuar banorët e lagjes “Donika Kastrioti ” në periferi të qytetit të Beratit.
Banorët kanë lajmëruar zjarrfikësit, të cilët për pak minuta janë gjendur në vendngjarje. Rrugica e ngushta dhe banesat ngjitur me njëra-tjetrën kanë qenë pengesë për punonjësit zjarrfikësve, të cilët me pompat e shpinës kanë mundur të kalojnë mur më mur në oborret e banesave për të arritur aty ku ishte shfaqur zjarri.
Banesa e vjetër me trarët e amortizuar është përfshirë nga flakët, ndërsa kanë mundur familjarët të dalin jashtë.
Zjarrfikësit kanë arritur ta shuajnë zjarrin, ndërkohë gjithçka që ka qenë në dhomë është shkrumbuar.
Fikja e zjarrit ka bërë të mundur që flakët të mos përfshijë te gjithë banesën dhe shtëpitë pranë saj.
Si pasojë e këtij zjarri është shkrumbuar vetëm një pjesë katin e dytë të banesës së familjes të Krenar Gjatës. Ka dyshime se fëmijët janë zjarrvënësit, por po punohet për gjetjen shkaqeve zyrtare të këtij zjarri.
