Kryeministri Edi Rama, në një takim me përfaqësues të shoqatave të transportit, deklaroi se qeveria po mendon që në ditë të caktuara të javës të ndalojë përdorimin e makinave.
“Agjencia Ndërkombëtare e Energjisë ka paralajmëruar mundësinë e shokut më të madh të furnizimit me naftë në dekada. Bota e ka kaluar në vitin 1974 këtë krizë, por ne atëherë nuk ishim pjesë e saj, ishim në bunker. Agjencia ka nxjerrë një plan me 10 pika, dy prej të cilave ne i kishim menduar, por nuk i kemi thënë sepse na hidhen në fyt. Do të bëjmë një mbledhje, ku do të diskutojmë që ditën e hënë ta bëjmë pa makina. Ose të diskutojmë për 3 ditë mosvajtje në punë, njëlloj si me COVID-in, por jo për infektim, por për shkak kursimi. Kjo është situata”, tha Rama.
Sipas Ramës, “rritja e çmimeve është vetëm pjesa e parë e filmit të mundshëm”.
“Në një moment të caktuar mund të mos ketë mjaftueshëm naftë. Por, ne e kemi vendosur fondin 5 milionë dollarë për kompensimin e rritjes së çmimit të biletës në transportin urban qytetas dhe ndërqytetas. Neve na intereson që të gjithë ata që përdorin autobusët, të mos kenë probleme transporti”, theksoi kryeministri.
“Rimbursim për naftën”
