Rritja e çmimeve nga karburantet deri te produktet bazë ushqimore ka shkaktuar një valë protestash në të gjithë vendin, ndërsa qytetarëve i janë bashkuar edhe grupet e interesit. Por çuditërisht vetëm Kryeministri Edi Rama nuk e pranon që ka përballë një popull në protestë, që e konsideron herë pakicë, dhe herë si mbështetës të non gratave të shpallur dhe të pashpallur. Rama ka vendosur të mos dëgjojë dhe as shikojë, duke u bërë i ngjashëm me personazhet e viteve të fundit të diktaturës.
Sot iu bashkuan protestës përfaqësues të unionit turistik dhe të fermerëve lidhur me rritjen e çmimeve, që i ka shkaktuar vështirësi në operim, dhe i ka çuar në grag falimentimi.
Ata shprehen se qeveria shqiptare ka ndihmuar më së pakti bizneset edhe në kohë pandemie. Ndërsa sa i përket bordit të ngritur për zgjidhjen e krizës, ata thanë se anëtarët ishin në konlfikt interesi dhe se asnjëri prej tyre nuk i përfaqësonte.
Reagimi i përfaqësuesve të unionit turistik dhe të fermerëve:
Ne e kemi parë me shumë shqetësim gjendjen aktuale sidomos për ekonominë për bizneset tona, për familjet. Sepse flitet për çmimin e naftës. Ndërsa tani thuhet se është ndërtuar një bord për zgjidhjen e kësaj krize por anëtarët janë në konflikt interesi. Nuk ka pjesëtarë të grupeve të interesit të cilat ekzistojnë në Shqipëri.
Koha është emergjente dhe zgjidhja duhet të ishte emergjente. Por kemi parë një pasivitet nga ana e qeverisë si në kohën e pandemisë që premtoi për të ngritur ekonominë e bizneseve. Por duhet thënë se qeveria shqiptare është ajo që ka ndihmuar më së pakti bizneset në Shqipëri. Duam të hiqet taksa ose edhe të përgjysmohet taksa. Sepse qeveria shqiptare për çdo litër merr 130 lekë. Kështu që mos të thotë më se nuk ka çfarë të bëjë se nëse është kështu, mund t’ja themi ne. Qeveria dueht të ndërhyjë menjëherë kur sheh që rrezikohen rritjet e çmimeve për produktet e shportës. Duhet të kishte ndërhyrë me kohë.
