Prej 4 ditësh qytetarët po protestojnë kundër rritjes abuzive të çmimeve. Sot në ditën e pestë të protestës, banorët e Devollit me pankarta në duar kanë bllokuar hyrjen e qytetit të Bilishtit.
Ajo që i shqetëson më tepër fermerët është rritja e çmimit të naftës dhe mos ndërhyrja e qeverisë për sa i përket subvencioneve që ata duhet të marrin në bujqësi.
“Nuk është dita e parë. Protesta tona nuk kanë të ndalur me përgjigjet që po jep zoti Rama nuk është zgjidhje, është një gënjeshtër. Duhet të marrë masa konkrete, të përgjigjet thjesht dhe qartë. Nafta është ajo që na shqetëson. Nafta është kryesorja”,- shprehet një fermer.
Ata paralajmërojnë se do të vijojnë me protesta nëse nuk ndërhyhet.
“Protestat do të vazhdojnë derisa të bëhen realitet kërkesat tona, çmimi i naftës kryesorja. Duke u rritur çmimet ne na fundosin, po i hedhim prodhimet, nuk punojmë dot, kërkojmë uljen e taksa”.
