Kryeministri Edi Rama deklaroi këtë të Premte se nuk do të hiqen taksat mbi naftën, por shtoi se qeveria do vendosë çmimin e shitjes bashkë me tregtarët.
Rama tha se ngarkesa financiare e qeverisë është shtuar duke mundësuar mos rritjen e çmimit të energjisë elektrike për familjet dhe bizneset e vogla.
Po ashtu, ai tha se edhe qytetarët duhet të mbajnë pjesën e tyre të barrës në këtë kohë që e cilësoi si “luftë”.
Çmimi i naftës në vend është shumë më i lartë edhe se në vendet e zhvilluara, por Rama tha se ne kemi taksa të tjerë më të ulëta se këto vende.
“S’është detyra, as përgjësia, as mundësi e qeverisë në një sistem demokratik që të ndërhyjë në çështjen e çmimeve. Por sot faktikisht vendi ynë si gjithë të tjerat po përballet me pasojat e një lufte që ka nisur në Eurpë. Lufta ka ardhur në Shqipëri me faturën e çmimit të energjisë, të naftës dhe me ndikimin në të gjitha çmimet”, u shpreh kryeministri.
“Sot nëse çmimi do jetë ky që është sot, nga 52 euro për megavat/orë në 500 euro për megavat/orë që ne jemi të detyruar të importojmë do na duhet 640 mln ekstra deri në fund të vitit. Për çfarë do na duhen për të mbrojtur familjarët dhe biznesin e vogël. Këtë po bën një qeveri dhe është për të qeshur e për të qartë kur kjo merret si diçka e mirëqenë dhe thonë ti që na trego çmimin e energjisë, na trego naftën. Po e bëj sepse me çmimin e energjisë do preknim shtresën më vulnerabël të shoqërisë, që nuk kanë makina. Këta si prekim me asnjë çmim do bëjmë çmos”, tha Rama.
“Nëse çmimi do kthehet ku ishte para luftës na duhet 250 mln ektra. Këto i them që nuk shikohet kjo pamje duke u fokusuar vetëm te taksat e naftës. E vërtetë që ne kemi te një ngarkesë ekstra që të tjerët se kanë ndaj çmimit të naftës këtu është më i lartë. Por të tjerët se kanë 0 taksën mbi biznesin e vogël, TVSH mbi biznesin e vogël, taksat mbi pagat, si kanë kontributet shoqërore dhe shëndetësore si ne, më të ulëta në rajon. Të tjerët kanë të ardhura nga ngarkesa fiskale mbi individin dhe biznesin e vogël. Të tjerët s’paguajë 45 mln çdo vit për të kompensuar faturën e energjisë të familjeve në nevojë siç paguajmë ne, faturë që sot është më e lartë për shkak të krizës dhe luftës. Shumë e rëndësishme që të gjithë të jenë të vetëdijshmen se në fillimin e qeverisjes kush ka më shumë mundësi do mbajë më shumë barrë dhe kush ka një veturë do mbajë më shumë barrë se ai që s’ka. Kam dëgjuar që thonë jemi me paga 300 mijë Lekë. Para 300 mijë lekë në Shqipëri që përmendet është paga minimale dhe jo mesatare. Ata që dalin me X5 dhe bllokojnë rrugën se kanë pagën 300 mijë lekë dhe ata do mbajnë barrën”, shtoi ai.
Ai paralajmëroi një plan masah në fund të javës, duke lënë të kuptohet se përfitues do jenë “shtresat në nevojë”.
Lexo edhe:
Rama: Nuk hiqen taksat e naftës, qeveria do vendosë çmimin bashkë me tregtarët
