Premtim Kryemadhi, kandidati i “Shtëpisë së Lirisë” për bashkinë e Dibrës, ka qenë i ftuar në studion e emisionit “Të Vaksinuarit” nga Aulon Kalaja në Fax Neës ku ka folur mbi humbjen e zgjedhjeve në bashkinë ku ai kandidonte për t’u emëruar kryetar.
Ai tha se faktorët që kishin sjellë humbjen e Shtëpisë së Lirisë në Dibër ishin të shumtë, por ndër to theksoi përfshirjen e administratës shtetëtore në këto zgjedhje duke filluar që nga kryeministri që bëri premtime mbi përfundimin e rrugës së Arbërit nëse dibranët do zgjidhnin kandidatin e PS.
Sa i përket qëndrimit për Bashën, Kryemadhi u shpreh se nuk kishte marrë pjesë në votimet e qershorit ku Basha u rizgjodh në krye të PD sepse i ishte dukur diçka absurde.
Kryemadhi: Me organizimin e primareve u nis një proces që vërtet duhet vlerësuar. Ky ishte një fillim i mbarë. Pastaj fushata, dihet sesi bëhet këtu tek ne, në zgjedhjet e pjesshme ku administrata shtetëtore, përfshirë edhe dy ministrat Manja dhe Balluku të cilët i kam denoncuar së bashku me drejtorët e tyre të cilët kanë qenë në fushatë në Dibër. Madje edhe në ditë pune që duhet të ishin në zyrat e shtetit, ishin të pëkushtuar në fushatë.
Përveç kësaj, ne ishim 4 kandidatë. Unë u kam premtuar 2-3 gjëra qytetarëve. Ndërsa kandidati i PS, nuk di të ketë bërë asnjë lloj premtimi për përmirësimin e jetesës së qytetarëve. Madje ai vetë nuk jeton në Peshkopi, por në Tiranë. Unë jam i zhgënjyer nga mënyra sesi ne i bëjmë zgjedhjet sesi përfshihet administrata duke filluar që nga kryeministri. E dini se çfarë u tha kryeministri dibranëve kur ishte atje së fundmi? Ju tha: Nëse doni të përfundojë rruga e Arbërit, votoni Rahim Spahiun. Këto janë ndërhyrje brutale në zgjedhje.
Qëndrimi ndaj Bashës:
Kryemadhi: Kur u rizgjodh Basha kryetar i PD në muajin qershor, pati një mospjesëmarrje të madhe. Madje unë vetë nuk shkova,. Edhe kojlegët më pyesnin përse. Unë ju thashë që nuk kishim kë të zgjidhnim kryetar kur sapo kemi humbur. Ishte diçka absurde dhe duhet të kishte pasur reagime të mëparshme.
