Presidenti Ilir Meta, me anë të një postimi në rrjetet sociale, ka komentuar rritjen e çmimit të naftës në Shqipëri, përtej çdo parashikimi.
Meta thekson se është skandal, që ukrainasit që janë në luftë e blejnë naftën me 1 euro/litër, kurse shqiptarët në paqe e blejnë 2.2 euro/litër.
Po ashtu, Meta vlerëson se babëzia me justifikim luftën është e papranueshme.
Postimi i presidentit Ilir Meta:
Ukrainasit në luftë e blejnë naftën 1 euro/litër, shqiptarët në paqe me 2.2 euro/litër.
Edhe sipas raportit të “Global Petrol Price”, të datës 7 mars 2022, 1 litër naftë në Shqipëri kushton më shtrenjtë se:
📌 Në Slloveni 1.75 USD/litër
📌 Në Kroaci 1.65 USD/litër
📌 Në Rumani 1.6 USD/litër
📌 Në Serbi 1.57 USD/litër
📌 Në Bullgari 1.55 USD/litër
Rritja abuzive dhe e shfrenuar e çmimit të karburanteve duhet të ndalet menjëherë!
Babëzia me justifikim luftën është e papranueshme!
