Ka përfunduar numërimi edhe në Bashkinë e Durrësit. Kandidatja e PS, Emiriana Sako ka fituar duke u zgjedhur kryetarja e bashkisë së qytetit bregdetar me 39.157 vota.
I dyti u rendit kandidati i “Shtëpisë së Lirisë, Ardian Muka me 20.831 vota.
I treti u rendit kandidati i PD-së së Lulzim Bashës, Luan Hoti me 7.937 vota.
Në një reagim në rrjetin social ”FB”, Sako u shpreh: “Falenderoj të gjithë qytetarët e Durrësit për besimin e dhënë për të vazhduar punën për transformimin e qytetit. Kjo fitore është një përgjegjësi e madhe që më jep privilegjin ti shërbej me përkushtim e pasion qytetit dhe të gjithë qytetarëve të Durrësit”.
Durrësi ishte një nga 6 bashkitë ku një ditë më parë u zhvilluan zgjedhjet e pjesshme lokale. Pesë bashki i kanë fituar socialistët, Vorën, Rrogozhinën, Lushnjen, Dibrën dhe Durrësin. Në Shkodër, kur kanë mbetur edhe disa kuti për tu numëruar, fitues projektohet Bardh Spahia i koalicionit “Shtëpia e Lirisë”. PD e Bashës është renditur forcë e tretë në 5 nga 6 bashki, ku u votua.
