Petrit Vasili i ka bërë sot thirrje Kuvendit të votojë një rezolutë që do të sjellë daljen e Shqipërisë nga Ballkani i Hapur.
Nëpërmjet një statusi në ”Facebook” si shkroi se pjesëmarrja në këtë sipërmarrje politike e orienton Shqipërinë pro luftës dhe kundër paqes.
”Kuvendi të votojë urgjent Rezolutë për daljen e menjëhershme nga Ballkani i Hapur i Vuçiçit! Sot Ballkani i Hapur kjo sipërmarrje politike proruse është nje damkë e zezë, që Shqipëria po e vuan për shkak të Edi Ramës.”
Ai shtoi se të qendruarit krah Vuçiçit nuk bën asgjë tjetër veçse dëmton interesat e shqiptarëve.
Vasili përmbylli thirrjen e tij duke shkruar se Kuvendi sot ka hancin historik t’i heqë vendit njollën proserbe dhe proruse.
”Kuvendi i Shqiperisë ka përgjegjësinë historike të mbrojë vendin dhe interesat e tij. Kuvendi ka rastin të tregojë se përfaqeson interesat e shqiptarëve dhe jo të Edi Ramës. T’i tregojë të gjithë opinionit botëror se shqiptarët duan paqen dhe demokracinë. Shansi historik t’i heqë vendit njollën e errët proserbe dhe proruse, që i ka vënë padrejtesisht Edi Rama”.
