11 anëtarët e Këshillit të Lartë të Prokurorisë pritet të zgjedhin të mërkurën kryetarin e ri të këtij institucioni.
Pas qëndrimit për tri vite në krye të KLP-së, Gent Ibrahimi, do të largohet për shkak të përfundimit të mandatit.
Në mbledhjen e sotme Këshilli miratoi zëvendësimin e mandatit të Gent Ibrahimit nga Mirela Bogdani.
Kryetari i KLP-së do të zgjidhet nga radhët e anëtarëve që vijnë nga jashtë sistemit.
Kandidaturat e mundshme për kryetar janë:
-Alfred Balla
-Nurihan Seiti
-Tartar Bazaj
-Mirela Bogdani
Ndërsa Sandër Beci është në fund të mandatit dhe mund të mos kandidojë.
Me kërkesë të anëtarëve mbledhja e KLP për shpalljen e kandidaturave u shty për javën tjetër pasi duan kohë që të mendojnë për emrat për kryetar dhe ai që do të propozohet të ketë kohë të paraqesë platformat e tyre.
Këshilli i Lartë i Prokurorisë është qeverisja e prokurorëve që ka për detyrë vlerësimin e karrierrës së tyre.
