Nga studio e Syri Tv ku ishte i ftuar, ish-deputeti dhe ish-ministri Genc Pollo ka komentuar vendimet e fundit të presidentit rus Vladimir Putin për të pushtuar Ukrainën, ku sipas tij ShBA e parashikoi e para por Evropa nuk e besoi.
Ai theksoi se kjo fuqi që zotëron Putin në Rusi nuk ishte e përqëndruar në një person sa në periudhën e regjimit sovjetik.
“Shumë pak veta mund ta kenë besuar se Putin mund ta bënte këtë megjithëse agjensitë amerikane u vërtetua se e parashikuan me saktësi. Opinioni evropian nuk e besonte pasi mendonte se ishte shantazh vendosja e trupave ruse në kufi.
Donte të thërriste blofin por është interesante të krahasosh regjimin e Putinit me regjimin sovjetik. Në këtë të fundit kishte kontrolle dhe vendimmarrje mbi mësymje ushtarake dhe goditje bërthamore nuk e merrte vetëm një peron, pasi ai mund të çmendej por pasi kishte një sistem burokratësh aparatçikësh të Partisë Komuniste që mernin vendimet bashkë dhe kontrollonin njëri tjetrin.
Kështu siç ka degraduar Rusia në këto 20 vite u pa edhe në mbledhjen e fundit të publikuar në televizion të Këshillit të Sigurimit të Federatës Ruse ku të gjithë ata shefa të qeverisë dhe të agjencive të zbulimit ishin të pafuqishëm por ishin objekt qesëndisje dhe poshtërimi nga presidenti Putin.
Pushteti është personalizuar në një masë aq të madhe sa që është vështirë të kontrollohet nga ato aparate që ka Rusia”, tha Pollo.
