Paris Saint-Germain është kthyer te fitorja në Ligue 1, pas humbjes 3-1 të pësuar javën e kaluar në fushën e Nantes. Ka qenë një fitore 3-1 me përmbysje për skuadrën e Pochettino-s kundër St Etienne.
Në fakt, kanë qenë miqtë që kanë shënuar të parët me Bouanaga-n në minutën e 16-të, me lojtarin e St Etienne që ka përfituar nga një gafë e Danilo-s dhe ka mposhtur Donnarumma-n me një goditje të fortë.
Reagimi i vendasve ka ardhur në fundin e pjesës së parë falë dyshes Messi-Mbappe. I pari ka dhënë një super asist, i dyti e ka finalizuar me gol. E njëjta gjë ka ndodhur edhe në fillimin e pjesës së dytë, Messi ka krijuar për Mbappe dhe ky i fundit ka shënuar.
Në minutën e 52-të, Dabilo ka shlyer gabimin e pjesës së parë dhe ka fiksuar shifrat në 3-1 pas një asist të mrekullueshëm të Mbappe.
Lionel Messi është lojtari me më shumë asiste (5) të dhëna në pesë kampionatet kryesore të Europës në 2022-shin.
Kylian Mbappe ka barazuar Zlatan Ibrahimovic si golashënuesi i dytë më i mirë në historinë e PSG-së në të gjitha kompeticionet me 156 gola.
