Gazetari Jetmir Olldashi ka qenë i pranishëm mbasditen e ditës së martë në mbledhjen e Komisionit Hetimor për Inceneratorët për të dhënë dëshminë e tij për këtë aferë të madhe korruptive, ku të për fshirë veç Klodian Zotos, Mirel, Mërtirit dhe Stela Gugallias janë edhe zyrtarë të lartë shtetërorë.
Olldashi tha para deputetëve se ndaj tij dhe portalit Boldnews.al ka është dhënë një dënim pa asnjë provë, por si shenjë presioni për t’i mbyllur gojën medias.
Më tej Olldashi deklaroi se vendimi për dënimin e Boldnews.al është dhënë nga një gjyqtar që lëviz në mes të Tiranës me një makinë luksoze ‘Porche’ me targa amerikane.
Ai u ka bërë apel deputetëve të pranishëm, që të reagojnë më fort përballë padrejtësive, pasi sot drejtësia shqiptare ëhstë e kapur dhe po dënohen media dhe gazetarë që bëjnë denoncime dhe publikojnë skandale, si një formë e pastër presioni për tu mbyllur gojën.
“Kam dy dokumente, njëri që thotë se Prokurori ka kërkuar fajësi, ndërsa në vendimin e zbardhur të Gjykatës thuhet se Prokurori ka kërkuar pafajësi. Ky është një vendim pacavure. Një apel kam për deputetët, se ajo që po ndodh është se po kapet drejtësia, e cila dënon pa prova ata që denoncojnë skandale. Mua më ka dënuar një gjyqtar që se ka kaluar ende vetting, që lëviz me makinë Porche në Tiranë, dhe nuk dihet kur i vjen rradha e Vetting”, tha Olldashi.
