Einxhel Shkira dhe Donald Veshaj janë përplasur ashpër me njëri-tjetrin dhe arsyeja ka qenë eksperienca e punës jashtë shtëpisë së Big Brother VIP dhe heqja nga puna prej Donaldit dhe Romeos.
Debati i ashpër:
Einxhel: Juve më hoqët nga puna, kur unë bëra aksident, se s’kishit as lek të më paguanit dhe as më paguajtët, kam dokumentet, të gjitha. Nuk keni paguar as Marjana Kondin. Ti ke zero disiplinë pune. Më linit të pres gjithë ditën për xhirimet, ndërkohë ti po flije.
Donald: Einxhel ishte një njeri jo korrekt, një ditë të bukur pune pasi kjo u bë se nuk vinte nga hiçi, ajo rrinte shumë natën dhe thoshte si t’ja bëj unë që mos të jem në mëngjes. Më pas më dërgoi një foto pasqyre të thyer duke më thënë se kishte bërë aksident.
Lidhur me këtë ka ardhur dhe reagimi i regjisorit të emisionit i cili shprehet se arsyeja e shkëputjes së bashkëpunimit ka ardhur nga fakti se Einxhel nuk ka respektuar oraret.
“Kam qenë regjisor i “Binjakët Show”. Për sa i përket debatit të mbrëmshëm midis Donaldit dhe Einxhel në Big Brother Albania VIP, ndjej detyrimin të mbaj një qëndrim për të mirën e asaj që jo gjithë çfarë thuhet duhet përtypur. Einxhel nuk ka qenë korrekte me oraret. Kjo ishte arsyeja e shkëputjes së bashkëpunimit.”, shkruan ai.
