Ministria e Shëndetësisë në Kosovë njoftoi këtë të të Mërkurë se janë regjistruar gjashtë viktima dhe 2,590 raste të reja me koronavirus, nga 12,259 testime.
Autoritetet shëndetësore kanë njoftuar se 2.952 persona janë shëruar, ndërsa 33,538 persona janë ende aktivë me koronavirus.
Kosova ka nisur fushatën e vaksinimit kundër koronavirusit në mars të vitit të kaluar. Prej atëherë janë dhënë mbi 1.7 milion doza të vaksinës. Deri më tani, me dy doza të vaksinës janë imunizuar 806,268 persona apo 44 për qind e popullsisë.
Qeveria e Kosovës ka miratuar më 21 janar, masa të reja për luftim të pandemisë. Sipas vendimit të Qeverisë, qytetarët që hyjnë në Kosovë duhet të jenë të vaksinuar plotësisht dhe të kenë edhe dozën përforcuese. Ata që nuk kanë dozën përforcuese, duhet të kenë test negativ të llojit PCR, të vlefshëm për 48 orë. Kufizimi i qarkullimit do të aplikohet nga ora 22:00 deri në orën 05:00. Bizneset e gastronomisë mund të zhvillojnë aktivitetin e tyre nga ora 05:00 deri më 21:00.
