Pas ngjarjes së rëndë të ndodhur këtë mëngjes në Elbasan, ku një fëmijë 3 vjeç humbi jetën në spitalin e qytetit, një mjeke ka treguar detaje mbi gjendjen e fëmijës.
Mjekja Ermira Karajani, sqaroi për A2 CNN se fëmijë është paraqitur në gjendje tepër të rëndë, me insuficencë kardiake dhe respitatore, si edhe pneumoni.
Sipas informacioneve nga Elbasani, fëmija ka mbërritur në spital me shenja gripi, temperaturë dhe kollë, dhe ka qenë në gjendje të rënduar. Pas disa orësh aty, fatkeqësisht ka humbur jetën.
Grupi hetimor ka kryer veprimet e para hetimore në vendngjarje dhe pritet ekspertiza mjekoligjore për përcaktimin e shkakut të humbjes së jetës, nëse ka qenë gabim mjekësor, apo për shkaqe natyrale.
