Ish-kryeministri Sali Berisha deklaroi se Edi Rama mori urdhër nga Beogradi për të mbrojtur Lulzim Bashën gjatë protestës së 8 Janarit.
Berisha u shpreh këtë të Shtunë se s’është problemi i një zyre apo i një ndërtesë, por është është problemi themelor i zbatimit të vendimit të shumicës ndaj pakicës që votuan. E pa këtë parim, shtoi ai, nuk ka demokraci.
“Më 8 janar, Rama faktoi në mënyrat më kriminale se ishte autor i vërtetë i pushtimit të shtëpisë sonë, të Partisë Demokratike. Nuk është problemi i një zyre, i një dnërtesë, është problemi themelor i zbatimit të vendimit të shumicës ndaj pakicës që votuan. Pa këtë parim nuk ka demokraci. Nuk ekziston dhe dhjetra mijëra demokratë shkuan për të zbatuar vendimin e tyre. Ne shkuam të hyjmë në shtëpinë tonë sipas votimit të kuvendit kombëtar”, u shpreh Berisha gjatë fjalë së mbajtur me rastin e 31-vjetorit të themelimit të PD-së në Lezhë.
“Në ato zhvillime, Edi Rama rrethoi Lul Bravën, pengun e tij jo vetëm me 8 oficerë garde me në krye komandatin e rojës së personaliteteve, por Edi Rama i pajisi ata me të gjitha mjetet e dhunës së një policie agresive. Cfarë ndodhi? E shndërroi selinë e PD në një strofull krimi e kriminelësh që vendin e ikshin në qeli e vetëm në qeli. Me 8 Janar, në një skenar të parapregatuitur ai vërsuli me kërkesa direkte nga Beogradi të faktuara hordhitë e narkobanditëve me uniformë kudnër demokratëve paqësore. Baton Saliniqi është Mugosha i ri në PS dhe Shqipëri. Se Mugosha i ri e ka marrë të faktuar 6 herë ka folur në telefon Ramën pas urdhrave që i vinin nga Beogradi, mbro Lul Bravën. Kjo është e faktuar dhe ai se mohoi dot kur ia përplasën përfaqësuesit tonë në bisedime”, theksoi Berisha.
“Një lojë e gjërë luhet kundër pluralizmit shqiptar, kudnër interesave të tyre. Në cdo vend të botës u them shqiotarëve që cdo njeri i lirë kur i thuhet se kanë hyrë banditët në shtëpi njofton policianë dhe kur policia është bashkë me banditët ka 2 mudënsi. Ti përvishet banditëve, apo t’ja u lërë shtëpinë atyre. Por, kjo e fundit s’mund të ndodhë. Qëllimi ishte të nxirrnim kriminelët nga shtëpia dhe ta nxirnin nga zyra butësisht pengun e turpshëm Lulzim Bravën”, shtoi Berisha.
Projekti te selia e PD
“Gjithë ai sulm ndaj demokratëve helmesh toksike, pluhërash toksike të pregatitura nga trafikantë dhe vrasës në seli kishin si qëlim vjedhjen dhe vetëm vjedhjen, mos e harroni këtë. Doli parku i katër hajdutëve që duhej nërtuar te selia e PD, hajdut Ramës, hajdut Bravës, hajdut Fushës dhe hajdut Velisë. Ky është shkaku kryesor pse Rama kërkon të mbajë peng shtëpinë e lirisë, shtëpinë e demokratëve”, u shpreh Berisha.
Bastet
“Mësova nga dy miq të mi para dy javësh se se kur ndodhi vrasja në bllok pas saj Rama vendos ndalimin e basteve, po të kujt ishin bastet? Bastet ishin të Lul Bravës dhe Brava i dërgon të dërguarin special Dushanin në Prishtinë, hajde vrap dhe më zgjidh problemin. Këtë ja u ka thënë Rama direkt dy personave dhe u thotë se në Qipro 50 përqind i pronarit të kompanisë ishte Lul Brava me emrin e të shoqes. E kuptoni se kush na ka drejtue”, tha ai.
“Protestat vijojnë”
Ish-kryeministri përfundoi se lëvizja për të rikthyer pluralizmin do të vijojë.
“Duhet të jemi të gatshëm për protesta më të fuqishme se ajo e 8 janarit. Axhenda jonë është liria dhe vetëm liria,”, tha ai.
