Gazmend Bardhi ka mbërritur pak pas orës 11 të kësaj të Premteje në Prokurorinë e Tiranës.
Bardhi është thirrur nga organi i akuzës lidhur me protestën e 8 Janarit, kur u ushtruan dhe akte dhune ndaj protestuesve demokratë. Bardhi do të merret në pyetje nga prokurorët për të sqaruar pozicionin e tij lidhur me ngjarjet. Lidhur me protestën, Bardhi është proceduar penalisht.
Pas tij, në prokurori pritet të paraqitet këtë të Premte edhe Lulzim Basha, i cili po ashtu do të merret në pyetje.
Ditën e djeshme, nga organi i akuzës u thirrën dhe Flamur Noka dhe Sali Berisha.
Ndërkohë, më herët gjatë javës, gjykata e Tiranës liroi të 34 personat e arrestuar lidhur me protestën në Partinë Demokratike.
