Komiteti i Ekspertëve u mblodh këtë të Enjte duke njoftuar se nuk do të ketë shtim të masave shtrënguese kundër koronavirusit.
E pyetur nëse do të ketë mbyllje të shkollave, kryetarja e Komitetit të Ekspertëve, Mira Rakacolli tha se treguesit nuk janë të tillë që të detyrojnë mbylljen e shkollave, megjithatë shtoi se, situata do të ndiqet në vijim dhe do të veprohet në varësi të saj.
“Sot për sot indikatorët nuk këshillojnë që të ketë mbyllje të shkollave. Megjithatë, situata do të ndiqet hap pas hapi, ashtu sic edhe masat e tjera në lidhje me dinamikën e situatës epidemioligjike. Nëse do të ketë tregues që na çojnë në një vendim të tillë, atëherë do ta rishikojmë”, tha ajo.
