Fikset e zjarrit kundër protestuesve, Manjani: Zaptuesit e selisë së PD duhet të akuzohen për vrasje

Ish-ministri i Drejtësisë, Ylli Manjani, në njv postim në rrjetet sociale, shkruan se përdorimi i fikëses së zjarrit kundër protestuesve më 8 janar, është krim.

Manjani shkruan se bombulat e fikjes së zjarrit përmbajnë lëndë kimike që janë helmuese për trupin e njeriut.

“Nga ato bombula del gazi helmues monoksid karboni dhe metale të rënda që janë kombinuar për të asfiksuar zjarrin.

Ato bombula nuk janë njësoj si gazi lotsjellës. Ato përmbajnë helm vdekjeprurës, ndërsa gazi lotsjellës është maksimumi neutralizues i përkohshëm.

Këto bombula përdoren vetëm ndaj vatrave të zjarrit dhe nga persona të pajsur me maska mbrojtëse. Asnjëherë nuk i drejtohet njeriut lënda fikëse e zjarrit!

Vetëpranimi nga ana e zabtuesve të selisë së PD se kanë përdorur bombulat e fikjes së zjarrit kundër njerëzve i vendos ata direkt nën akuzë penale. Minimumi për vrasje ndaj shumë personave”, shkruan Manjani.

Postimi nga Ylli Manjani

Edhe njëherë:

Bombulat e fikjes së zjarrit përmbajnë lëndë kimike që janë helmuese për trupin e njeriut. Nga ato bombula del gazi helmues monoksid karboni dhe metale të rënda që janë kombinuar për të asfiksuar zjarrin.

LEXO EDHE  Lihet në qeli 17-vjeçari që vrau për gjakmarrje, avokati: Edhe ai është viktimë

Ato bombula nuk janë njësoj si gazi lotsjellës. Ato përmbajnë helm vdekjeprurës, ndërsa gazi lotsjellës është maksimumi neutralizues i përkohshëm.

Këto bombula përdoren vetëm ndaj vatrave të zjarrit dhe nga persona të pajsur me maska mbrojtëse. Asnjëherë nuk i drejtohet njeriut lënda fikëse e zjarrit!

Vetëpranimi nga ana e zabtuesve të selisë së PD se kanë përdorur bombulat e fikjes së zjarrit kundër njerëzve i vendos ata direkt nën akuzë penale. Minimumi për vrasje ndaj shumë personave.

Nëse pasoja nuk ka ardhur, kjo ka ndodhur për shkaqe që nuk varen prej tyre. Por përdoruesit e bombulave e kanë konsumuar veprën penale.
Ata vetë thonë që E KEMI PËRDORUR. Dhe kjo i bën ata VRASËS!

Të vetëdeklaruar madje!

Nuk ka asnjë emër tjetër kjo sjellje.

Doni dënim?

Ky duhet të ishte një dënim shëmbullor, që të mos i shkojë më mendja njeriu të përdorë bombula të tilla kundër njerëzve!