7 futbollistë tek Kukësi me koronavirus

Pas kthimit të ekipit nga pushimet ku shumë futbollistë kanë udhëtuar jashtë vendit, klubi i Kukësit ka kryer testime për të zbuluar nëse ka raste Covid brenda skuadrës.

Mësohet se janë kryer 3 herë testime të Covid-19 dhe kanë rezultuar të prekur 7 futbollistë dhe 3 anëtarë të stafit teknik.

“Njëkohësisht, janë edhe disa futbollistë të dyshuar duke qenë se jetojnë në një banesë me të prekurit dhe kanë kontakt të vazhdueshëm”, thuhet në një komunikatë të Kukësit.

LEXO EDHE  Zyrtare/ Bekim Balaj largohet nga klubi rus, Nizhny

Të prekurit, por edhe të dyshuarit, janë karantinuar në banesat e tyre duke shmangur kontaktin me pjesën tjetër të ekipit megjithatë, të tjera teste do të kryhen ditë pas dite.

Sipas kalendarit, skuadra do të zhvillojë të shtunën ndeshjen ndaj Dinamos.

“Klubi i ka kërkuar në rrugë zyrtare në FSHF shtyrjen e ndeshjes ndaj Dinamos, duke qenë se organika e ekipit është e cunguar, por njëkohësisht rrezikohet shëndeti i skuadrës sonë, por edhe ekipit kundërshtar”, thuhet në një njoftim.