Tre persona janë arrestuar nga policia e Korçës për veprën penale “Vjedhja”, kryer në bashkëpunim.
Ata akuzohen se kanë vjedhur disa televizorë plazma, bizhuteri, shuma parash, tablet dhe sende të tjera në tre banesa.
O.K., 43 vjeç; M.Q., 42 vjeç dhe Xh.P., 37 vjeç, banues në Korçë, janë të arrestuarit.
“Këta shtetas në bashkëpunim mes tyre më datë 03.01.2022, në lagjen nr. 10, Korçë, kanë vjedhur në banesën e shtetasit I.R., një televizor plazma, dy tableta dhe disa bizhuteri floriri.
Nga veprimet e mëtejshme hetimore, dyshohet se tre shtetasit e mësipërm janë autorë edhe të ngjarjeve të mëposhtme të ndodhura në lagjen nr. 18, Korçë. Konkretisht më datë 30.08.2021, në banesën e shtetasit N. X., kanë vjedhur një televizor plazma dhe disa orendi bakri. Më datë 08.10.2021, në dyqanin e shtetasit E. K., një sasi lekësh dhe në lokalin e shtetasit Sh.I., një televizor plazma.
Në cilësinë e provës materiale u gjetën dhe sekuestruan një televizor plazma, dy celularë dhe një sasi lekësh”, njoftoi policia.
