Duke filluar nga sot, Shqipëria do të jetë anëtare e përkohshme në Këshillin e Sigurimit në OKB, duke marrë pjesë kështu për 2 vite rradhazi në të njëjtën tryezë me shtetet e përhershme anëtare të Këshillit të Sigurimit.
Lidhur me këtë fakt ka reaguar edhe ambasada Amerikane në Shqipëri, ku me anë të një postimi në facebook, e kanë konsideruar këtë si një arritje të madhe dhe kanë theksuar se janë gati të shërbejnë se bashku me Shqipërinë në këtë mision për të trajtuar sfidat me të cilat përballet bota sot.
Postimi i Plotë nga ambasada e Shteteve të Bashkuara të Amerikës:
Urime Shqipërisë për një arritje të jashtëzakonshme, fillimin e anëtarësimit të saj në Këshillin e Sigurimit të Organizatës së Kombeve të Bashkuara, për herë të parë në histori. Shtetet e Bashkuara mirëpresin të shërbejnë së bashku me Shqipërinë në Këshillin e Sigurimit të OKB-së, për të trajtuar sfidat më të ngutshme me të cilat përballet sot bota jonë.
