Policia ka njoftuar sot të paktën dy raste, në Fier dhe Durrës, të sekuestrimin e fishekzjarreve dhe të lëndëve piroteknike, të cilat nuk lejohen për tu tregtuar, duke arrestuar dhe proceduar penalisht posejduesit.
Por ajo që duket se shënon një dështim është fakti se si këto fishekzjarre apo lëndë piroteknike kanë hyrë në Shqipëri dhe askush nuk i ka bllokuar në pikat e shumicës, ndërsa policia ka arrestuar shitësit.
“Shërbimet e Policisë Durrës kanë evidentuar dy raste të tregtimit të lëndëve piroteknike dhe fishekzjarrëve.
Në përfundim të veprimeve, specialistët për Hetimin e Krimit Ekonomik dhe Financiar në DVP Durrës proceduan penalisht shtetasit:
Sh. H., 57 vjeçe, banuese në Durrës, pasi në dyqanin e saj, gjatë kontrollit nga Policia i është gjetur dhe sekuestruar një sasi lëndësh piroteknike;
Xh. L., 47 vjeç, banues në Durrës, pasi është kapur duke shitur fishekzjarrë.
Materialet i kaluan Prokurorisë, për veprime të mëtejshme procedurale, për veprën penale “Tregtimi dhe transporti i mallrave që janë kontrabandë””, njoftoi policia.
