Mbrëmjen e djeshme në “Love Story” Sellma u përball me Kristin, pasi ky i fundit i kishte përmendur familjen gjatë “Love Story Talk”.
“Kohët e fundit Kristi ka marrë shumë superxhiro dhe doja ta pyesja që a të ka mësuar babi që kur e thua diçka të mbash përgjegjësi dhe mos bëj show me familjen time. Sepse ne nuk jemi si familja juaj që jeni mësuar të bëni show dhe nuk e keni problem këtë pjesë. Kështu që show bëje me mamin dhe motrën tënde, me familjen time nuk ke punë. Hera e parë dhe e fundit”- i ishte përgjigjur Sellma.
Opinionisti Robert Aliaj, njëkohësisht babai i Kristit, shpërtheu keq ndaj konkurrentes. Ai tha se përgjigjjja e saj ishte shumë vulgare, madje më tej përmendi termin “prostitutë”.
Roberti: Një femër që kthehet në këtë mënyrë, me këtë energji që dëgjova unë, pa dashur të mbroj Kristin fare, nëse Kristi ka gabuar turp të ketë, të ketë turp dhe të jetë ai përgjegjës për veprimet e tij, është në një moshë ku nuk ka nevojë as për mbrojtjen as për kritikën time. Por mua ç’ma ç’nderon prezencën time këtu, është ky panel ku promovohet sjellja vulgare e një femre, ku tregon jo vetëm mungesë edukate me ndërhyrjen që bën, ne këtu bëjme modele, nëse ne nuk bëjme modele kemi dështuar. Ju nuk duhet të promovoni gjëra kaq vulgare. Kjo që ndodhi ishte e turpshme. Tani do flas si baba, të gjithë djemtë shqiptarë duhet të largohen nga femrat që i bëjnë dhe buzët si puçërr, si homorroide në këtë moshë. Një femër që kërkon të bëjë këto deformime…Ne shesim model si është një qytetare, ne kemi njerëz që na ndjekin. Unë djalit tim dhe çdo djali i them të largohet nga këto vajza
Alketa: Nuk mund të fyesh asnjë nga vajzat
Roberti: Po kërkoj standard, kam parë një profil prostitute aty. Thashë është prostitucion, kam parë një femër që dinte të fliste në mënyrë të ekzagjeruar
Sellma: Ky është fenomeni më negativ i të gjithë shqiptarëve. Mua mos m’u drejto me prostitutë, drejtohu familjes tënde. Ti do të mbash përgjegjësi për fjalën prostitutë.
Komenti i Robertit nuk u prit aspak mirë nga vajzat, të cilat të revoltuara dolën nga studioja.
Alketa: Ato vajza janë vajza nënash dhe baballarësh të nderuar. Ti nuk mundesh t’i ofendosh. Kjo është një protestë e hapur për mënyrën se si një mashkull trajton vajzën në shekullin 21.
