Ylli Manjani, ish-ministër i Drejtësisë, në një postim online, i rikujton ambasadores amerikane Konventën e Vjenës, duke përdorur një shprehje shqiptare.
“Zonjës Kim i kanë mësuar vetëm shprehjen “shtëpia e shqiptarit është e zotit dhe e mikut”.
Por nuk ia kanë mësuar shprehjen, gjithashtu tonën: “zot në shtëpinë e tjetrit nuk bëhesh dot”.
Dikush t’ia shpjegojë këtë gjë, se mbasi i kujtohet edhe Konventa e Vjenës, që në thelb reflekton këto dy shprehje që shqiptarët i kanë përdorur prej shekujsh,” shkruan ai.
Manjani ka shprehur kritika të herëpashershme në drejtim të diplomates amerikane Kim për shkak të qëndrimeve të mbajtura prej saj, që në jo pak raste janë interpretuar si mbështetje e hapur për politikat e ndjekura nga Qeveria dhe Kryeministri Edi Rama, ndërkohë që ka pasur fshikullime ndaj opozitës.
